உன் ஆழ்மனத்தினுள் ஒரு நாள்

உன் ஆழ்மனத்தினுள்

ஒரு நாளைக் கழிக்க விரும்புகிறேன்.

நான் -

என்ன கண்டுபிடிக்கப் போகிறேன் என்று

யாருக்குத் தெரியும் ?

உனது பிரகாசமான எதிர்காலத்தையா

உனது இரகசிய அச்சத்தையா

உனது இருட்டு ஆசைகளையா

உனது பயங்கர கனவுகளையா

அல்லது

உனது சிரிப்பின் பின்னால் ஒளிந்திருக்கும்

உனது கோரமுகத்தையா ?

அநேகமாய்

என்னிடமிருந்து நீ திருடிய

ஒரு கருப்பொருளை மீட்டெடுக்கலாம்

அல்லது

உன் ஆழ்மன எண்ணங்களில்

சில அம்பலப்படலாம்.

இவற்றையெல்லாம்விட

ஆண்டு முழுவதும்

என்னைப்பற்றி

உண்மையிலேயே நினைத்தது என்ன

என்பதைப் பற்றி

தெரிந்துகொள்ளலாம்.

ஆகவே - 

உன் ஆழ்மனத்தினுள்

ஒரு நாளைக் கழிக்க விரும்புகிறேன்

என் எதிர்காலத்தைத் திட்டமிட.

- மகரந்தன்.